Chak lè-a sé an sel anmwé, an sel wélélé. Jounalis ka vréyé lavwa, politisien ka badjolé, asosiyasion ka wouklé, fanmi ka mété pléré atè.
Kou-tala, sé an jenn tibray yo kriyé Naël ki manblo tjwé adan lavil Nantè, men i sé yonn adan etsétéra Neg ek Arab ki ped lavi-yo anba kout révolvè lapolis dépi omwens 50 lanné. Pa ni yon sel lanné ki pasé dépi tan-tala san ki dé, twa, senk, dis adan yo pa pwan fè. Chak lè-a, nou ka tann bel pawol politisien men sa pa ka chanjé an tjou-patat.
Men pli mové a douvan Neg ek Arab ki ka viv atè an Fwans : 74% sé Fwansé-a ka touvé i ni twop étranjé lakay-yo ek lè éleksion prézidansiel fwansé ké rivé an 2027, asiré-pa-pétet Marine Le Pen ké genyen kou-tala. Asiré i ké trapé pos prézidan la Fwans !
A lè-tala, ki sa fanmi-nou ka viv Lot-Bò a ké fè ? Adan ki lélékou yo ké yé a ?
- Se connecter ou s'inscrire pour publier un commentaire
- 63 vues
23/08/2025 - 16:52
21/08/2025 - 19:51
21/08/2025 - 19:49
