Mantjé an moun lè met-a-manyok Bénen fè tan rivé laéwopò Matinik !

   Gadé foto-a ki ka ilistré artik-tala : asiré-pa-pétet si zot ni bon zié, si lespri-zot poko kagou, zot pou rimatjé an bagay. Oblijéman !

   Foto-a ka montré nou twa moun : Patrice Talon, met-a-manyok Bénen, Patricia Telle, riprézantant La-CTM ek Préfé Matinik. Fè lespri-zot djoubaké titak, tonnan-di-sò ! Viré-gadé'y si zot wè zot toujou pa ka divinen kiles moun ki absan anlè'y.

   Enben, sé Gran Bétjé-a, fout ! Sé li ki mété konmen lajan déwò pou sa fè vini Labitasion Clément kréasion an karantenn artis béninwa. Sé pa ni La-CTM ni Léta fwansé ki péyé an tjou-patat pou ekspozision-tala. Kidonk sa té ké lojik, sa té ké nowmal, ki Gran Bétjé-a vini laéwopò tou pou sa akéyi misié Patrice Talon. Kifè, an keksion ka tijé lamenm nan kabech-nou : POUTJI I PA VINI ?

   Nou pé pa sav vréman mé nou pé fè an ipotez : i pa té bizwen vini.

   Ek poutji i pa té bizwen vini ? Sé davwè Bétjé-a za genyen konba'y. I za réyisi fè an prézidan ek an patjé artis afritjen débatjé Matinik, bagay ki lo nwaris-la ki ka pasé tan-yo ka japé a enkapab fè. An plis, vizit Talon ka ranjé La Fwans tou davwè sa ka montré ki i pa kont zafè ki Matinitjé lianné épi Afritjen. Kifè ni 3 moun ki genyen adan bankoulélé-tala : Bétjé-a, Léta fwansé ek Talon ki, adan péyi'y, sé an Bétjé...nwè ek ki dwet bizwen fè afè épi moun kon Gran Bétjé a.

   Sel moun ki rété pou lapléré sé nou, Matinitjé...