Tikitak ékolojik la za anlè nou !

   Pannan ladjè ka woulé atè l'Ewop, pannan maté-gouvelman (coup d'état) ka pété atè l'Afrik, pannan anchay moun asou latè ka pwofité viv kò-yo pis nou an tan gran vakans, tikitak (compte-à-rebours) ékolojik la za anlè nou menmsi nou ka rifizé wè'y.

   Toupatou, kisiswa koté-a nou ka gadé a, vakabonnajri nou konmet kont laliwonday (environnement) ka mandé nou pèman jòdi-jou. Afos bétonnen lakanpay, dépotjolé mangwov, dévidé salopté nan mitan lanmè, koupé mòn ek montay pou sa konstwi lawout, sèvi pétwol pou fè loto, tren ek avion woulé, afos kwè fok nou oblijéman mété lanati anba lopsion-nou, enben rézilta douvan nou atjelman : bidim difé ka pri toupatou (Kannada, Gres, la Fwans kisasayésa...), séchres ka povotjé vansé-douvan (avancée) dézè-a adan pliziè réjion l'Afrik ek sé péyi arab-la, wotè lanmè ka anpilzi (augmenter) sitelman ki sa ka minasé lekzistans menm dé sèten zil ki nan loséan Pasifik ki, lakay-nou menm, adan ta la Karayib la.

    I za pwes two ta pou déviré larel (faire machine arrière).

    Sé pa lo plodari (discours) ganmé  a éti sé politisien-an ka fè a là zot wè yo ka jwenn adan konsit (conférence) asou laliwonday ki kapab mété an milié adan sa davwè kisiswa sistenm politik la (ki i kapitalis ki i kominis), sé menm konpowtasion agoulou-gran-fal la nou ka rimatjé. Yo ka rikonnet ki divini limanité an danjé, ki sa nou ké kité ba yich ti-yich nou, sé ké an planet éti yo pé ké pé viv an manniè obidjoul (convenable), men yo pa ka pwan pies kalté dispozision ki sérié pou sa mofwazé (transformer) sitiasion-an.

    Kidonk an ti keksion blijé tijé nan kabech-nou : es nou ké dènié-dènié jénérasion ?