Pis ganmez somalièn la pa té wouvè katjé'y ba'y...

          Tout moun konnet bel ganmez la (mannequin de mode) yo ka kriyé Iman la.

          Sé atè péyi Somali i fet ek i lévé avan i pati l'Anglitè pou woulé adan domèn lanmod éti i trapé anpil siksé. Sa mennen jik lé Zéta-Zini éti i vini an fanm-zétwel (star) éti tout moun, soutou gwotjap (riches) té ka pòté'y anlè. Anlo adan yo té lé sòti épi'y oben fè an ti kou épi'y kontel Donald Trump ki té za miliardè men ki poko té mété nen'y adan zafè lapolitik.

          Kifè Trump té envité'y restoran pliziè fwa, adan restoran Nou-Yok ki pli wototo (huppé) ek i koumansé ka zayé Iman alé-pou-viré, li ki pa janmen té ni pies respektasion ba fanm. Li ki té di kon sa : "Fanm ? Fok anni tjenbé sa pa lapo koukoun !". Li ki pliziè fanm akizé'y davwè i té anviolé yo, bagay ki ralé'y douvan lajistis pliziè fwa. San menm palé zafè Epstein la, an kokè-timanmay (pédophile) ki té lianné épi anchay miliardè ki i té ka mennen asou an lilet bannzil (archipel) karayib la ki i té achté ek koté i té ka sanblé jenn ti manzel pou sèvi yo manawa.

            Antouléka, Trump pa janmen rivé trapé ta'y la épi Imann ek sé dépi jou-tala i rayi moun Somali kon sa ka ékri. Sé pou sa lot jou-a i di kon sa ki sé pa an péyi ki la ek sé abitan-an sé pa moun mé zannimo.

             Ay fè an lous pété an nen'w, sakré mal-kochon ki ou yé !