Mo mawot : Akra

Lang kréyol ni yonndé mo pou palé di akra. Sé an kalté « beignet » fet épi lédjim kontel (chou, karot…) sé an bagay nou ka manjé jénéralman le vandrèdi-sen.

Mé dépi yonndé tan, akra-a ka mawot, i ped sinifikasion’y. Anlo moun (sirtou sa ki sòti pabò Lafrans) ka palé di : « Je voudrais des accras ! ».

Mé pli souvan ki rarman lè yo ka di sa, sa yo ka sèvi yo sé marinad. Marinad lanmori, titiri ek kisayésa. Mé fok nou sav, marinad kréyol pa ni ayen épi « marinade» ki sé ann asézònman fet épi luil, vineg, diven, éti yo ka ajouté dives zépis. Yo ka kité viann oben pwéson tranpé adan sa pandan lontan. Sa sé marinad fransé.

Mé marinad nou ni anlot kouzen ki mawot tou, sé lozi. Lozi-tala pa ni ayen a wè épi an Bantoustan Namibi-a, lozi oben silozi sé an lang bantou éti aprochan 730 000 moun ka palé.

Lozi nou sé anlot manniè ansien palé di marinad.

Anfen lang kréyol ba marinad-la an soudnon, i kriyé’y : tanbou-mouch.

Kidonk asé di marinad, zot sav sa sa yé akra, zakra, marinad, lozi, tanbou-mouch.

Kidonk annou pa bokanté koko pou zabriko, akra pa marinad.

An ti-pawol ka di : « Chak tet-pen ni lozi-yo »

Jid