Dépité lapo-lonyon !

      Gadé yo sé swédizan dépité-nou an ! Yo ka kouté Misié "Mettez-moi des Whites ! Des Blancos !" dwet-pitjet, akwèdi timanmay lékol toubannman. 

      I té réyini yo, sé dépité lé dènié koloni, pou sa prézanté yo lwa-a i ka préparé a asou zafè "lavi chè"-a. Kon Macron ba'y an ti pos minis aprézavwè i té mandianné yonn dépi konmen lanné, ki sé dépité-nou an ni lapo nwè oben koulè kakodou pa ka terbolizé'y an pies kalté manniè. Kantapou sé dépité lapia nou an, yo ka fè wol yo pa ka chonjé sa misié té di anlè Neg épi Arab nan lépok éti i té mè lavil Evry. Mi li : 

    Sa ki pli kouchal adan tou sa sé ki adan krey dépité-tala ni ki "endépandantis" oben "souvèrénis" dapré yo ! Men, lè ou fè tan gadé, sé moun-tala pa dot ki tanbou-a-dé-bonda : lè yo Matinik yo "souvèrénis" ek lè yo an Fwans yo "Fwansé" kité Fwansé ka alé. 

   Yo ka fè wol tou ki yo pa sav ki véritab poblem Matinik sé pa anni an zafè pri an bwet ti-pwa oben an tjilo ponm-tè, mé ki nou anba jouk Bétjé ek la Fwans. Kivédi nou pé fè tout kalté soté-maté nou lé nou pé ké janmen sòti adan ratiè-a nou pri adan'y lan. Janmen pa ! 

    Men, lè ou gadé, anfinaldikont, sé sé élektè Matinik ek Gwadloup la ki reskonsab si zot wè sé sé kalté initil-tala ki dépité-nou.