Jédi pasé, Matinik té ka pasé an vijilans wouj. Siklòn Bret té ka mennasé’y. Erezdibonnè, Bret-tala té vid, i pa pòté pies gwo déga, apaw yonndé piébwa moun pa tayé, i pofité lontwayé.
Karimi té ka chanté «Sansib a lagachet» pa koté Ayiti, mé an fen simenn pasé, ou sé di sé manmay-la sé pa chanté, mé bien pété yo ka pété fizi adan pliziè koté.
Sé jou-tala Bazil ka lonviyé lanlé mizisien. Sé konsa Léon Sainte-Rose kasé flit-li pas Bazil palantjé’y. Sa mété gwo-dlo an zié anlo mizisien, pa selman Dikos, mé tout manmay ki enmen toutoun banbou-a oben si zot lé, flajolé-a.
Jis lavey 22 mé, Léon pati monté an Galilé. Manmay L’OJAM yo té vini tjébé’y adan lékol-li douvan zélev-li Mòn-Wouj.
Té ni an bel montray asou lestravay pa koté Sent-Àn, é sé ann ansien minis Jan-Mak Ayrault ki ouvè lapot montray-la épi mè-a Jan-Michel Jémié.
Jid jwenn an konpè Adjilbè ki alé fè an won pa koté Lafrik. Mé lè ou palé di Lafrik ou poko di ayen la. Sé kondisiré ou palé di Léwop, ou pa di ayen la nonplis. Es ou an Beljik, ann Espay, ann Almàn oben an Frans.
Sendika pa pran kaswol 1er mé, mé yo kolé tet ansanm pou manifesté kont nouvo lwa-a asou laritret. Menmsi Mano Makawon ja promilgé lwa-a, yo pa ka tann mach. Yo pa lé lwa-tala pies toubannman.
