Ki sé Vodou Ayisyen, Santériya Brézilyen, Kondonmblé Kiben é menm lè ou byen gadé tibwen adan Kenbwa Gwada, yotout ni sous a-yo adan Vodoum an péyi Bénin ola nou yé. Bik a tout gran Kwayandiz-lasa ka touvé-y a Ouidah. Ou ni jaden Granbwa-sakré ola ou tousa konmansé èvè dotwa géryé i té sòti Togo p’asi 15zyèm syèk la. Lè ou adan jaden-lasa ou ka vwè kalité gran pyébwa sakré k’on Iroko vyé pasé 400 lanné, mé ou ka kontré èstati a plizyè divinité Vodoum.
Mi foto a yonndé adan-yo, kontèl Legba prèmyé gason Bondyé. Si nou ka vwè-y èvè sèks a-y byen doubout sé pou di sè li ka kontwolé é ka pwotéjé tout kaz, kant a pou zafè kòn nou ka vwè-y tini sé davwa sé rèlijyon-vini la ka toujou chèché dyabolizé Vodoum pou fè moun pè, okonmsman Lègba pa té tini p’on kòn.
Prensipal fondas a Vodoum sé Dangbé, Sèpan-Piton-la. Lè ou ka pran tan gadé bò zyé sèpan-lasa, ou ka vwè konsidiré 5 koul grif. Sé sé menm koul grif-lasa ou ka vwè asi figi a tout moun-aktif adan rèlijyon Vodoum.
Lè nou sòti adan jaden Granbwa-Sakré la, nou rivé adan tamp a Dangbé ola ou ka woté soulyé pou rantré andidan-y pou ou ay nétwayé tousa i pa sen adan-w. Adan tamp-la adan chak tikwen, ou ka vwè on Sèpan-Piton ka dòmi. Lè ou sòti la, yo ka mandé-w mété yonn alantou kou a-w pou fin pwopté-w. An pa ka manti di-zòt mwenmenm an-mwen an di : awa, a pa pou mwen ! Epi, ka i pasé an tèt an-mwen, ès sé padavwa an vwè sé madanm-la i té èvè-nou la fè-y, an lésé-yo mété Dagbé an kou an-mwen … kolyé fwèt-la détann tout kò an-mwen. Mwen anni santi-mwen byen, sitèlman byen ! Dangbé sé on bon bèt, fo toutmun pwojé-y !
Dèmen nou ké vwè Ouidah sé osi prensipal laplas lèsklavaj.
Ils ont creusé leur propre tombe ou quoi ? C'est qui les croque-morts là dedans ?
Lire la suiteDans un précédent commentaire intitulé “Vu le nbre de...”il avait été question des femmes chefs d Lire la suite
Arrête de te fantasmer en agent secret ! Lire la suite
Voltaire utilisait souvent ce mot d’ordre au bas de ses lettres (sous la forme "Ecrlinf") pour ra Lire la suite
Sans rien en connaître, Albè décrit certains commentateurs avachis devant "Touche pas à mon poste Lire la suite