Tout moun-lan ka prétann palé an non pep-la !

    Matinik sé dwet sel koté asou latè ki ni plis parti politik.

    Ni sa ki ka kouvè tout péyi-a (PPM, MIM, PCM kisasayésa..) épi ni sa ka ekzisté adan yon sel komin (kontel BATIR). Dayè, laplipa sé mè-a mété doubout pwop parti-yo ! Kifè lè nou ka chaché katjilé konmen parti politik ka woulé adan ti tet-zépeng la nou ka viv anlè'y la, nou pé di ni pres 34 parti (pis ni 34 komin) + 6 oben 7 parti "nasional".

    Sa té ké an sitiyasion komik si Matinik pa té an banbanm dépi nanni-nannan.

    Kifè kréyé an nouvo parti an plis sé kouyonnad ki la. Poutji ? Padavwè pep-la ped konfians adan sé nonm ek fanm politik nou an pou an patjé rézon. Dabò-pou-yonn, Ladwet (sé asimilasionis-la) pa ni pies kalté pwojé ba péyi-a. Sel bagay ka antérésé yo sé mentienn liannaj-nou épi Manman la Fwans ek Papa l'Ewop. Kantapou Lagoch (sé otonomis-la) yo ka fè dèyè chak lè yo rivé o pouvwè adan ansien Konsey Réjional la ek nouvo CTM-la. Yo ka anni pwan-kouri-séré akwèdi krab-sémafot toubannman. Lè nou ka jété an zié asou sé endépandantis-la sé menm bet-menm pwel ! Lè yo trapé volan-an olié yo mennen nou asou chimen kaskod épi la Fwans yo ka kontanté kò-yo jéré sitiasion-an.

   Sa vré ki ni anlo dot parti men yo two piti davwè pep-la pa ka voté b a yo. Yo pa ni pies éli ! 

   Kifè nouvo parti-a ki finé tijé-a kontel chanpiyon apré lapli i blijé fè moun ri : lè sé chef-li a paret yo té déklaré ki tout parti politik Matinik sé an bann initil ek mi anvwala jòdi-jou yo ka kréyé yonn. Simié ri sa ! An plis, yo konpwann sé yo ki ni monopol pep-la. Enben, éleksion kay rivé ek nou ké wè...