Si zot wè an twazienm ladjè mondial vini pété

   Sé pa an lidé dekdek ki la pies toubannman épi lo ladjè-a ka pété toutwon latè-a dépi yonndé tan.

   Ni pliziè bidim péyi ki ni bonm atomik la ek anpami yo, ni an piti ki sé Koré-di-Nò. Pli sa ka alé, pli nou ka wè sé an minas fok tout moun katjilé asou'y ek pwan'y épi anpil sériozité. Sé bagay ki pé fet nenpot lè ! Si janmen i fet pou-tout-bon, sé bonm atomik-la ki ké déblozé a senkant fwa pli mapipi ki sé dé-a sé Méritjen-an té ladjé anlè Japon pannan Dézienm Ladjè Tout-won latè-a (1939-45). 

   Kou-tala sé tout latè, tout péyi asou latè ki blijé pwan fè. Disparet pé ké pwan planet-la li-menm men sé lavi ki ké disparet kivédi moun, zannimo, piébwa, pwéson kisasayésa...

   Si zot wè sa fet, an sivilizasion ki ka viv asou an lot planet ké fini pa débatjé asou latè 2.000 lanné apré. Sé arkéolog-yo a ké chaché konpwann sa ki pasé ek poutji i ka sanm an dézè toubannman. Yo ké fouyé anba latè men yo pé ké dékouvè an tjou-patat. Tout moniman, tout lawout, tout lavil, tout bibliyotek, tout sistenm Entènet té dépotjolé. Epi an jou, an arkéolog ké fini pa bité asou an lèrestan bwet métalik ki wouj. Abo bwet-tala ké chifonnen, déchèpiyé menm, an mak, an lékriti, rivé sirviv asou'y abo ladjè atomik la : COCA-COLA. Sa sa té lé di ? Sé moun sivilzazion-an, ki sòti an koté ka touvé kò'y a 200 lanné-limiè di latè, ké pété tet-yo pou ésésyé konpwann sa mo-tala lé di. Yo ké mandé tout siantifik-yo, istorien-yo, antwopolog-yo, lengwis-yo kisasayésa...pòté mannè pou sa déchifré'y men yo pies-la pa té ka rivé.

   Ladjè atomik la té siprimen tout mak sivilizasion-nou an. 

   Men, érez-di-bonnè, afos-afos, apré etsétéra lanné katjil, an arkéolog ké érisi touvé sa Coca-Cola lé di.

   I sèvi épi menm métod-la ki sivilizasion-nou an té sèvi pou sa déchifré sé yéwoglif éjipsien-an. Kifè i ké matjé an liv asou lekzistans-nou ki ké démontré ki sé 2 pep ki té ka gouvènen latè avan ladjè atomik la : Amérendien ek Afritjen. Ki manniè sa ? Enben, sé davwè i ké dékouvè ki "COCA" té an plant l'Anmérik-di-Sid ek "COLA" té an plant l'Afrik nwè. Yo ké di arkéolog-tala woulo-bravo ek yo ké ba'y pli bel méday ka ekzisté adan sivilizasion-yo a.

   Sé pri fen...