Poutji sa nou pa ni boukinis atè Matinik ?

Tout koté ou fè tan pasé oliwon latè, ou ka jwenn boukinis. Laplipa adan yo sé nonm, soutou gran-nonm, ki asiz douvan ti boutik-yo ka atann sé kliyan-an toupannan yo menm ka li an liv. Sa ki pli bel sé ki sé pa anni (seulement) andidan boutik-la ki ni liv ki ranjé asou létajè, men asou totwè-a ki douvan boutik-le tou (aussi).

   Men, sa ki pli estébékwan an (stupéfiant) sé ki péyi ou ka fè tan jwenn plis boukinis, sé péyi an bon enpé moun nan popilasion-an pa konnet li ek ékri. Délè, apochan (environ) 30 oben 40% popilasion-an pa jenmen trapé chans ay lékol ! Men tout moun-lan sav pòtalans (importance) an liv ni. Yo sav sé adan liv, sé épi liv, ou ka rivé trapé an lakonésans, an lenstriksion ki djok (solide). Kifè, lè yo pasé ora boutik an boukinis, yo ka diskité épi'y ek yo ka mandé'y kiles liv ki té ké antérésan ba yich-yo davwè yich-yo ay lékol kidonk konnet li ek ékri. Epi yo ka achté yonn oben dé liv !

  Kifè nou blijé pozé kò-nou an ti keksion : poutji sa nou pa ni boukinis atè Matinik ?

  Matinik ki sé nich etsétéra matjè (écrivain) éti tout latè ka rikonnet yo sé dé mapipi : Césaire, Zobel, Ménil, Fanon, Glissant, Placoly, Monchoachi, Chamoiseau, Confiant, Boukman, Alexandre épi anchay dot éti sa té two long fè lis-la. Matinik éti matjè'y trapé bon tibren pri litérè adan dives péyi ek éti liv-yo transbòdé (traduire) adan tout kalté lang, jis lang kontel japonè, koréen, grek modèn, arab kisasayésa (etc...).

  Ki manniè nou pé konpwann titim (énigme) tala ?

  Lé répondè, réponn !...