PKLS gloriyé Guy Dufond, vayan konbatan Matinik

   Sé adan Téyat Otonom Mawon, atè Fodfwans, ki PKLS (Parti Kominis pou Lendépandans ek Sosializm) gloriyé Guy Dufond, an gran défansè lé travayè ek an vayan konbatan pou lendépandans Matinik. Sa fet sanmdi 25 mars.

   Jòdi-a, i ni 91 lanné asou tet-li apré an lavi antiè ka goumen toulong. Dabò-pou-yonn, adan sé évènman Désanm 59-la, apré adan l'OJAM nan lanné 1962, adan Parti Kominis Matinitjé éti i té yonn di sé dirijan'y lan ek finaldikont adan PKLS ki i té yonn adan sé fondatè'y la. Abo Guy Dufond ka touvé kò`y adan an chez woulant dépi pliziè lanné, i pa ped fwa adan divini Matinik. I pwan la pawol pou di i té kontan gloriyé-tala toubannman men ki fok lajennes kontinié konba-a pou péyi-nou an réyisi pété chenn-li an jou.

   Guy Dufond ké rété adan listwè-nou kon an fidji majè, an mal-nonm !