PKLS gloriyé 22 mé épi manmay Lalé Pékoul ek La-Woksèlàn

  Bomaten-an, jou éti Neg pété chenn-yo ek raché libèté-yo, PKLS (Parti Kominis pou Lendépandans ek Sosializm) gloriyé bel dat-tala an koté yo ka kriyé Lakou Women, atè Lalé Pékoul, nan komin Sen-Piè.

  Travayè ek moun ka viv Lalé Pékoul té sanblé épi moun la-Woksèlàn alantou sé militan PKLS-la kontel Léandre Marimoutou, Jean-Pierre Etilé, Raphaël Constant oben ankò Victor Permal. Tout moun ka chonjé ki sé Bétjé bitasion Dèpaz la té lé kouri dèyè sé Neg-la ki ka viv Lalé Pékoul la ek sé davwè yo trapé an pal di PKLS yo rivé anpéché salopté-tala. Bétjé-a té blijé ba lanméri Sen-Piè mòso tè-a éti sé moun-lan ni kay-yo a pou 1 éwo senbolik ek atjelman, sé épi lanméri-a poblem-la pou rézoud an manniè définitif.

  Sé diféran entèvènan-an espitjé sans 22 mé-a, sa ki pasé ekzaktiman jou-tala ek poutji sa nésésè ki nou gloriyé dat-tala. Avan yo té koumansé plodari-yo, PKLS lévé drapo Wouj-Vè-Nwè a asou an ma kon i ni labitid fè chak lè i ka mennen tjek aksion an koté. Sé an manniè pou fè moun chonjé ki an plis di pwop konba-yo, ni an lot ki pli gran ek ki pòtalan toubannman : konba pou lendépandans Matinik.

  Matjè Raphaël Confiant té vini épi dé sinéas fwansé ki ka fè an dokimantè asou'y ek asou liv-li. I pwan lapawol pou di ki lè 22 mé, zanset-nou fè lanmwatié chimen-an ek jòdi-jou, sé nou ki pou fè déziem lanmwatié-a pou Matinik pé vini an péyi ki toutafetman lib.

  Apré Lalé Pékoul, sé manmay-la monté Lajoupa jwenn dot kanmarad ek kontinié gloriyé 22 mé ek, an laprémidi-a, yo désann Lanmanten pou jwenn travayè ek militan tou.