Oktob sé "Mwa Lang Kréyol" toupatou oliwon latè

  Sé péyi La-Dominik an primié ki désidé chwézi an dat pou sa gloriyé lang kréyol nou an : 28 oktob. Men, dot péyi touvé sa pa té sifizan : yo fè "Simenn Kréyol" ek menm "Mwa Kréyol".

  Ek sé pa anni adan sé péyi kréyolopal la moun ka vréyé zépon natirel nou douvan, sé adan popilasion-andéwò (diaspora) nou tou kontel Monréyal, Nou-Yok, Pari oben Lonn. Pannan an simenn oben an mwa dépi 1981 éti La-Dominik té kréyé "JOUNEN KREYOL" la, etsétéra asosiyasion, matjè, jounalis, artis, iniversitè, grangrek kisasayésa...ka mété doubout manifestasion, konsit, bokantaj-pawol ek ispektak.

  Ou sé di sé Matinik selman moun pres sanfouté aloski sé adan zil-tala ni, épi Ayiti, pli langis, sosiolangis, matjè oben artis ka vréyé kréyol la douvan. Adan pwogram "Gran Sanblé" a, ki genyen éleksion téritorial la an désanm 2015, i té matjé konmkwa yo té kay kréyé an "OFFICE DE LA LANGUE CREOLE". Sa pa janmen fet ! Ofis-tala pa janmwen wè jou aloski mandati-a pres bout (ké ni éleksion man mwa mars 2021).

 Tout koté asou latè éti ni an lang ki dominé, ki anba lopsion an lot, ki minasé disparet pwan'y, politisien ka goumen pou sa ba lang-yo an pal ek pèmet li ay pli douvan. Jik atè La-Lwiziàn kon nou ka wè asou foto-a ka ilistré artik-tala.

  SOF MATINIK !...