Lavalas dlo enki chouboulé Gwadloup toubolman

   Lamétéo  di nou kè sé on tanpet ki pasé asi Gwadloup mé pa on siklòn. Sé vré kè sé van-la pa té giè fò mé parkont, dlo enki tonbé kondiré sé Laviej ki té ka pléré. Riviè enki débòdé oubien mofwazé an flev, lapli chayé kaz é pon, fann yonndé lari dé-pou-dé.

   Sé on mirak si zot wè sé on sel moun ki ped vi a'y. Ni pliziè vidéo-la ki ka montré fos a dlo-la ki ka menné-alé vwati kondiré sé té on fey papié toubolman...