Dépotjolé timanmay, mi sa yo konnet fè !

   Sa ka fè dépi 1948, lè i vini kréyé, ki Izrayel ka pété tjou sé Palestinien-an alé-pou-viré. Abo lé Nasion-Zini za las kondané'y, sé reskonsab politik li a bien sanfoutépamal davwè yo sav yo ni soutien l'Ewop ek lé Zéta-Zini kivédi l'Oksidan.

   Zot sav, menm l'Oksidan-tala ki tjwé pasé 6 milion Juif pannan dézienm ladjè toutwon-latè a. Sé pa Palestinien ki tjwé yo, sé pa Palestinien ki kréyé chanm-a-gaz, mé mi anvwala sé yo ki, dépi près 75 lanné atjèman, ka sibi. Ka sibi ! Ka sibi ! An plis di l'Oksidan, ni salopté ek kaponnri yonndé péyi arab kontel Mawok ki sispann ba sé Palestinien-an an pal ek ki siyen an lakòday pou vini bon zanmi épi Izrayel. 

   Jik ki tan vakabonnajri-tala ké woulé ? Pèsonn pa sav mé sa ki sèten, sé ki toulitan Izrayel ek l'Oksidan ké rifizé rikonnet dwa sé Palestinien-an, enben yo ké sibi sé konsékans-lan. Fok pa yo vini pléré apré. Fok pa yo vini di konmkwa Arab sé an bann moudong. 

   La pli bel anba labay !