Ay fè an lous pété an nen-zot !

   Dépi yonndé tan, nou ka risivwè mésaj ka di nou pa krititjé Entel oben tel mouvman. Sa sé moun-tala konpwann ?

   FONDAS KREYOL pa ka dépann di pies parti politik, i pa ka dépann non pli di lapiblisité kapitalis. Sit-nou an ka tjenbé gras a yonndé manmay ki sanblé adan an asosiyasion ek ki ka vèsé chak mwa an ti lanmonné pou péyé webmastè sit-la ek lézot dépans. Kivédi nou sé an sit ki toutafetman LIB ek nou pa kay kité pies initil ki sòti nenpot koté vini minasé nou.

   Ay fè an lous pété an nen-zot !

   Matinik poko lakay Amin Dada oben lakay Barbecue nan péyi Ayiti. Tout moun ni dwa di sa yo lé, manifesté an lari, blotjé magazen, fè tout kalté model vidéo kisasayésa... Sé dwa-yo ki la ek nou pa ni ayen pou di asou sa. Mé sé dwa-nou tou di esprimen pwop lidé-nou, pwop manniè nou ka konsivwè sitiasion-an ek pèsonn pa ni dwa chaché fèmen bouch-nou non pli. 

   Tjenbon-tiré !